Program Vir Die Week

Sondag 13 Mei

Oggenddienste om 08:00 en 10:00 o.l.v. dr André van Niekerk

Tema:  Oorwin lewensverveling en –angs deur die filter van geloof – Heb. 11.

Aanddiens om 18:30 o.l.v. dr André van Niekerk. Tema: Geloof in die opgestane Here laat jou op die positiewe fokus – Fil.4

Maandag 14 Mei

10:00 Sink die kerk? (2 Tim. 3:1-9) - ds. Koos Nel

19:00 Geloof in God se 2 soorte liefde maak jou ’n heelmaker

(Luk. 15)  - dr André van Niekerk

Dinsdag 15 Mei

10:00 Is daar hoop vir die wêreld? (Heb. 13:7-19) - ds. Koos Nel

19:00 Geloof in God se Skeppingswoord en sy Gees (wat oor die chaos fladderhang), tem jou vrees (Gen. 1) - dr André van Niekerk

Woensdag 16 Mei

10:00 Hoekom het my lewensplanne nie uitgewerk nie?

(Spr. 16:1; 16:9; 19:21 en 21:1) Is daar hoop vir die wêreld? (Heb. 13:7-19) - ds. Koos Nel

19:00 Geloof in beide bladsye van God se openbaringsboek kweek liefde vir die wetenskap én geloof (Ps. 104) - dr André van Niekerk

Donderdag 17 Mei - Hemelvaartdienste

10:00 Kan ek dit waag om oud te word en die wêreld vir die jonges te los?  (Hand. 20:17-20:1) - ds. Koos Nel

19:00 Geloof in God se Heilige Gees wat met ons woonplekke ruil, gee moed en verwondering (Joh. 14) - dr André van Niekerk

Vrydag 18 Mei

09:00 Bybelstudie by Twee Riviere Aftree-Oord

Sondag 20 Mei

Oggenddienste om 08:00 en 10:00 o.l.v. Ds Bennie Powell met die aanddiens om 18:30 o.l.v. Ds Johan Scholtz.

e-Woorddraer

DIE WONDER  - GOD WOON IN ONS!

Met Pinkstertyd kan ons net nie anders as om ons te verheug daarin dat God self in ons woon deur Sy Heilige Gees nie.  Ons kan net gevul wees met dankbaarheid, want die Heilige Gees oortuig ons opnuut dat God ons onvoorwaardelik liefhet. Dit is die Gees wat ons al hoe meer verseker dat ons ‘n kind van God is op grond van wat Jesus vir ons gedoen het.  Ons bid in hierdie tyd opnuut dat die Gees ons gebede omvorm en ons vul met nuwe insig en wysheid. Wanneer ons ons entoesiasme verloor, kom waai die Gees deur ons en vul ons met nuwe entoesiasme en steek opnuut die vuur van Pinkster in ons aan. Mag jy ook beleef hoe die Gees as wind en asem van God jou reinig.  In hierdie tyd glo ons opnuut wat die Woord in 2 Kor 3: 17 sê:  … waar die Gees van die Here is, is daar nuwe vryheid. Pinkstertyd – tyd om op nuut in verwondering te staan oor die Gees van God!

Dr Marius Johnson (e-Woorddraer  13 Mei 2012)

Pinkster 2012

Die Oggendreeks word waargeneem deur ds. Koos Nel met die tema: “100 jaar na die Titanic – wat dryf nog?” en die aandreeks deur dr. André van Niekerk met die tema: “Geloof vir ‘n tyd soos hierdie .....”

Die Goue Are nooi almal om na die oggenddienste sop en broodjies @ R5 te kom geniet.